Nutrición: é cousa seria!

Hola a todos, inauguramos este blog no día de hoxe aproveitando que tivemos no noso cole unha serie de actividades relacionadas coa Nutrición, levadas a cabo por Esperanza Otero, funcionaria de Sanidade que coordina proxectos Educativos, sobre todo Clases sen fume,  e Orión Aguilar, estudiante de Nutrición. Contamos tamén coa presenza de Luisa Abraira,  Xefa do Servizo de alertas Epidemiolóxicas de Sanidade da provincia de Lugo.
A primeira actividade foi unha charla informativa que se converteu nunha mesa redonda á que asistiron varios pais, as cociñeiras do centro e algúns profesores. Quedaron solucionadas bastantes dúbidas que tiñamos... E tamén nos felicitaron polo traballo que estamos a facer a nivel comedor escolar en prol da alimentación sana e equilibrada.

Despois fíxose unha charla para 5º, 6º de Primaria e para 1º e 2º de ESO. Falouse tamén sobre nutrición e alimentación saudable. Os nenos plantexaron moitas dudas que tiñan.
Os ponentes fixeron fincapé no privilexio que supón vivir no rural pòla facilidade de dispoñer de productos naturais e sen procesar, moitas veces de elaboración propia.

E finalmente foron as aulas de Infantil a repartirlles uns salvamanteis editados pola Consellería de Sanidade que lles recorda a cantidade de froitas e verduras que teñen que tomar diariamente para ter un equilibrio nutricional.

Dende logo, foi unha actividade moi proveitosa!